अघोसित नाकावन्दी विरुद्ध संघर्ष

मानव अधिकार, शान्ति, लोकतन्त्र, अहिंसाका लागि कार्यरत संस्था मानव अधिकार तथा शान्ति समाजले भारतले अघोसित रुपमा गरेको नाकावन्दी विरुद्ध संघर्ष गर्ने घोषणा गरेको छ । 

यस वर्षको अहिंसा दिवस (२ अक्टोबर) को अवसरमा समाजले त्यसविरुद्ध नागरिक सभा समेत आयोजना गर्ने निर्णय गरेको छ । यसैको विरोधमा समाजले सोमबार अपरान्ह ४ बजे भारतीय दुतावास अगाडि मैनवत्ति सहित धर्ना दिने भएको छ । उसले नाकावन्दी निरन्तर रहे त्यसको विरुद्ध सत्याग्रह थालिने समेत चेतावनी दिएको छ । समाजले कुनै पनि अभियान–आन्दोलन वा संघर्षका कार्यक्रमलाई प्रक्षेपण गर्दा आमनागरिकलाई पीडा पु¥याउने, उनीहरूको जीवनलाई कष्टकर बनाउने र अभाव सिर्जना गरेर हाहाकार मच्चाउने खालका नाकाबन्दीको कार्यक्रम कसैले पनि गर्न नहुनेमा जोड दिँदै दवाव सिर्जना गर्ने नाममा भारतले नाकाबन्दीको घोषणा गरेर मानवलाई प्रताडित गर्नु मानवताविरुद्धको अपराध भएको ठहर गरेको छ । समाजले भारतले आफ्नो असन्तुष्टि पोख्न गरेको नाकाबन्दीको शान्ति समाज निन्दा समेत गरेको छ ।